၂၀၁၀ ခုနှစ် စက်တင်ဘာလ ၄ ရက် စနေနေ့တွင် နယူးယောက်မြို့ လောကချမ်းသာဘုရားကျောင်း၌ အပတ်စဉ် စနေနေ့တိုင်း သင်ကြား ပို့ချသော အရှင်သီလာနန္ဒာဘိဝံသ၏ အဘိဓမ္မာသင်တန်းပို့ချချက်များ သင်တန်းကို ဆက်လက် သင်ကြားပို့ချရာ သင်တန်းအပတ်စဉ် (၄၉)နှင့် (၅၀)(ပစ္စည်းပိုင်း – ပဋ္ဌာန်းနည်း ၁ နှင့် ၂)တို့ကို လေ့လာ သင်ယူ မှတ်သားကြရ၏။

ပဋ္ဌာနဟူသော ပုဒ်ကို စွဲ၍ ပဋ္ဌာန်းဟု ခေါ်ဆိုကြသည်။
အထူးထူးအပြားပြား များစွာကုန်သော ပစ္စည်းတို့၏ ဖြစ်ရာဖြစ်သောကြောင့် ပဋ္ဌာန်းမည်၏။

တနည်းအားဖြင့် – ကုသိုလ်စသော သင်္ခတတရားတို့ကို ဟေတုပစ္စည်း အစရှိသည်တို့၏ အစွမ်းဖြင့် ဝေဖန်ရာဖြစ်သောကြောင့် ပဋ္ဌာန်းမည်၏။

ပစ္စည်း = အကျိုးတရားများ ဖြစ်ပေါ်အောင်၊ ဖြစ်ပြီးတရားကို တည်တံ့ခိုင်မြဲအောင် ကျေးဇူးပြုတတ်သော စိတ်,စေတသိက်,ရုပ်,နိဗ္ဗာန်,ပညတ်ဟု ဆိုအပ်သော အကြောင်းတရားများကို ပစ္စည်းဟု ခေါ်၏။

ပစ္စယုပ္ပန် = အကြောင်းကြောင့် ဖြစ်ရသော စိတ်,စေတသိက်,ရုပ်ဟူသော အကျိုးသင်္ခတတရားများကို ပစ္စယုပ္ပန်ဟု ခေါ်၏။

ပစ္စနိက် = ပစ္စည်းတရားပင်ဖြစ်သော်လည်း ပစ္စယုပ္ပန်၌ မပါဝင်သော တရားမျိုးကို ပစ္စနိက်ဟု ခေါ်၏။

သတ္တိ = ထင်ရှားမဖြစ်ပေါ်သေးသော်လည်း ဖြစ်စွမ်းနိုင်၏၊ ပြုစွမ်းနိုင်၏ ဟူသော သဘောဖြစ်၏။

ဗျတ္တိ = သတ္တိအားလျော်စွာ ထင်ရှားဖြစ်ပေါ်လာ၊ ပြုလာသော သဘောဖြစ်၏။

ပစ္စယ = ပစ္စယသဒ္ဒါသည် ဥပကာရက အနက်ရှိ၏။ ဥပကာရကဆိုသည်ကား ကျေးဇူးပြုတတ်သည်၊ ထောက်ပံ့ချီးမြှောက်တတ်သည်ဟု ဆိုလိုသည်။ ကျေးဇူးပြုဆိုသည်မှာ မိမိထင်ရှားရှိနေခဲ့လျှင် မိမိနှင့်စပ်ဆိုင်သော တရားတို့သည် မဖြစ်ပေါ်သေးလျှင်လည်း ဖြစ်ပေါ်ကြကုန်၏၊ ဖြစ်ပေါ်ပြီးရှိလျှင်လည်း တည်တံ့နိုင်ကြကုန်၏၊ တည်ပြီးသော တရားတို့သည်လည်း အဆင့်ဆင့် ကြီးပွား စည်ပင်ရန် အခြေအနေသို့ ရောက်ကြကုန်၏ ဟူသော သဘောမျိုးကို ကျေးဇူးပြုမှု ဆိုသည်။

+++++

+++++

အမြစ်သဖွယ် ကျေးဇူးပြုသောတရား၊ ရေသောက်မြစ်သည် သစ်ပင်အား အစဉ်ကြီးပွား၍ စည်ကားအောင် ကျေးဇူးပြုဘိသကဲ့သို့ ဟိတ် ၆-ပါးတို့သည် အတူတကွဖြစ်သော စိတ်,စေတသိက်,စိတ္တဇရုပ်,ပဋိသန္ဓေကမ္မဇရုပ်တို့အား ကြီးပွား ခိုင်မြဲစေရန် အကြောင်းမူလသတ္တိဖြင့် ကျေးဇူးပြုတတ်ကြ၏။

ပစ္စည်းတရား = လောဘ၊ ဒေါသ၊ မောဟ၊ အလောဘ၊ အဒေါသ၊ အမောဟ ဟူသော ဟိတ် ၆-ပါး။

ပစ္စယုပ္ပန်တရား = သဟိတ်စိတ် (၇၁)ပါး၊ မောဟမူဒွေး၌ မောဟကြဉ်သော စေတသိက် (၅၂)ပါး၊ သဟိတ်စိတ္တဇရုပ်၊ သဟိတ်ပဋိသန္ဓေကမ္မဇရုပ်။

+++

အာရုံဖြစ်၍ ကျေးဇူးပြုတတ်သော တရား၊ ကြိုးတန်း တောင်ဝှေးတို့သည် အားအင်ချိနဲ့သော သူတို့အား ဆွဲကိုင်ရာအဖြစ်ဖြင့် ကျေးဇူးပြုဘိသကဲ့သို့ အာရုံ ၆-ပါးတို့သည် စိတ်,စေတသိက်တို့အား ဆွဲကိုင် မှီတွယ်ရာအဖြစ်ဖြင့် ကျေးဇူးပြုတတ်ကြ၏။

ပစ္စည်းတရား = ပစ္စုပ္ပန်,အတိတ်,အနာဂတ်ဖြစ်သော စိတ် (၈၉)၊ စေတသိက် (၅၂)၊ ရုပ် (၂၈)၊ ကာလဝိမုတ်ဖြစ်သော နိဗ္ဗာန်, ပညတ်။

ပစ္စယုပ္ပန်တရား = စိတ် (၈၉)၊ စေတသိက် (၅၂)။

+++

အကြီးအမှူးပြု၍ ကျေးဇူးပြုတတ်သော တရား၊ စကြာဝတေးမင်းသည် တစ်ပါးသောသူတို့၏ ကြီးမှူးသော သတ္တိကို မြစ်၍ တိုင်းနိုင်ငံသားတို့အား အစိုးရသော အဖြစ်ဖြင့် ကျေးဇူးပြုတတ်သော တရားသည် အဓိပတိပစ္စည်း မည်၏။
အဓိပတိပစ္စည်းသည် (၁) အာရမ္မဏာဓိပတိ၊ (၂) သဟဇာတာဓိပတိဟု ၂-ပါး အပြား ရှိ၏။

အာရမ္မဏာဓိပတိ ပစ္စည်းတရား = အလေးအမြတ် ပြုအပ်သော ဣဋ္ဌဖြစ်သော နိပ္ဖန္နရုပ် (၁၈)၊ ဒေါသမူ ဒွေး၊ မောဟမူ ဒွေး၊ ဒုက္ခသဟဂုတ် ကာယဝိညာဏ်ကြဉ်သော စိတ် (၈၄)၊ ဒေါသ, ဣဿာ, မစ္ဆရိယ, ကုက္ကုစ္စ, ဝိစိကိစ္ဆာကြဉ်သော စေတသိက် (၄၇)၊ နိဗ္ဗာန်။

အာရမ္မဏာဓိပတိ ပစ္စယုပ္ပန်တရား = အလေးအမြတ် ပြုတတ်သော လောဘမူစိတ် ၈-ခု၊ မဟာကုသိုလ်စိတ် ၈-ခု၊ မဟာကြိယာဉာဏသမ္ပယုတ်စိတ် ၄-ခု၊ လောကုတ္တရာစိတ် ၈-ခု၊ ဒေါသ, ဣဿာ, မစ္ဆရိယ, ကုက္ကုစ္စ, ဝိစိကိစ္ဆာ, အပ္ပမညာ ကြဉ်သော စေတသိက် (၄၅)ပါး။

သဟဇာတာဓိပတိ ပစ္စည်းတရား = သာဓိပတိဇော ၅၂-ခု၌ ရှိသော ဆန္ဒ, ဝီရိယ၊ သာဓိပတိ တိဟိတ်ဇော ၃၄-ခု၌ ရှိသော ဝီမံသ၊ သာဓိပတိဇော ၅၂-ခုဟု ဆိုအပ်သော စိတ္တာဓိပတိအားဖြင့် အဓိပတိ တရားကိုယ် ၃-ပါး, ၄-ပါးတို့တွင် တစ်ပါးပါး။

သဟဇာတာဓိပတိ ပစ္စယုပ္ပန်တရား = အဓိပတိပစ္စည်းကို ရသောအခါ အဓိပတိတရားကိုယ် ကြဉ်သော သာဓိပတိဇော ၅၂၊ ဝိစိကိစ္ဆာကြဉ်သော စေတသိက် ၅၁၊ သာဓိပတိ စိတ္တဇရုပ်။

+++

အခြားမဲ့ဖြစ်၍ ကျေးဇူးပြုတတ်သော တရား၊ စကြာဝတေးမင်းကြီး၏ နတ်ရွာလားခြင်းသည် သားကြီးရတနာအား အဘိသိက်သွင်းခြင်းငှာ ကျေးဇူးပြုသကဲ့သို့ မိမိချုပ်ဆုံးပြီးနောက် အခြားမဲ့၌ စိတ်,စေတသိက် တရားတို့ ဖြစ်ပွားအောင် ရွက်ဆောင်သမှု ကျေးဇူးပြုသော တရားသည် အနန္တရပစ္စည်း မည်၏။

ပစ္စည်းတရား = ရဟန္တာတို့ စုတိကြဉ်သော ရှေးရှေးသော စိတ် (၈၉)၊ စေတသိက် (၅၂)၊ ပဝတ္တိပဋိသန္ဓေ နာမက္ခန္ဓာ လေးပါး။

ပစ္စယုပ္ပန်တရား = ရဟန္တာတို့ စုတိနှင့်တကွ နောက် နောက်သော စိတ် (၈၉)၊ စေတသိက် (၅၂)၊ ပဝတ္တိပဋိသန္ဓေ နာမက္ခန္ဓာ လေးပါး။

(အနန္တရပစ္စည်း၊ သမနန္တရပစ္စည်း၊ အနန္တရူပနိဿယပစ္စည်း၊ နတ္ထိပစ္စည်း၊ ဝိဂတပစ္စည်းတို့၏ ပစ္စည်းတရား, ပစ္စယုပ္ပန်တရားတို့မှာ အတူတူပင် ဖြစ်၏။)

+++

ကောင်းစွာ အခြားမဲ့ဖြစ်၍ ကျေးဇူးပြုတတ်သော တရား၊ စကြာဝတေးမင်းကြီး၏ ရဟန်းပြုခြင်းသည် သားကြီးရတနာအား မင်းအဖြစ်ကို ရစေခြင်းငှာ ကျေးဇူးပြုသကဲ့သို့ နောက်စိတ်အား ကောင်းစွာ အခြားမရှိသောအားဖြင့် ကျေးဇူးပြုသော တရားသည် သမနန္တရပစ္စည်း မည်၏။

အနန္တရပစ္စည်းနှင့် သမနန္တရပစ္စည်းတို့သည် သံသဒ္ဒါမျှသာ ထူး၏။
သဘောအနက်အားဖြင့်ကား အထူးမရှိ။
သို့သော် ဝေနေယျသတ္တဝါတို့၏ အလိုအားလျော်စွာ ၂-မျိုးခွဲ၍ ဟောတော်မူ၏။

+++

ဆီမီးသည် မိမိနှင့် အတူတကွဖြစ်သော အလင်းဓာတ်အား တကွဖြစ်၍ ကျေးဇူးပြုသကဲ့သို့ မိမိနှင့်တကွ ဖြစ်ကုန်သော ပစ္စယုပ္ပန်တရားတို့အား တကွဖြစ်သည်အဖြစ်ဖြင့် ကျေးဇူးပြုတတ်သောကြောင့် သဟဇာတပစ္စည်း မည်၏။

ပစ္စည်းတရား = (၁) အချင်းချင်းအားလည်းကောင်း၊ အချင်းချင်း နာမက္ခန္ဓာ စိတ္တဇရုပ်, ပဋိသန္ဓေ ကမ္မဇရုပ်အားလည်းကောင်း တပ်သော အလုံးစုံသော စိတ် ၈၉၊ စေတသိက် ၅၂၊ ပဝတ္တိ ပဋိသန္ဓေ နာမက္ခန္ဓာ လေးပါး။ (၂) အချင်းချင်းအားလည်းကောင်း၊ ဥပါဒါရုပ်အားလည်းကောင်း တပ်သော စိတ္တဇ မဟာဘုတ်၊ ပဋိသန္ဓေ ကမ္မဇမဟာဘုတ်၊ ဗာဟိရ မဟာဘုတ်၊ အာဟာရဇ မဟာဘုတ်၊ ဥတုဇ မဟာဘုတ်၊ အသညသတ် ကမ္မဇ မဟာဘုတ်၊ ပဝတ္တိ ကမ္မဇ မဟာဘုတ်အားဖြင့် မဟာဘုတ် လေးပါး။ (၃) အချင်းချင်းအား တပ်သော ပဉ္စဝေါကာရပဋိသန္ဓေ နာမက္ခန္ဓာနှင့် ဟဒယဝတ္ထု။

ပစ္စယုပ္ပန်တရား = (၁) အချင်းချင်းမှ ထောက်အပ်သော အလုံးစုံသော စိတ် ၈၉၊ စေတသိက် ၅၂၊ ပဝတ္တိပဋိသန္ဓေ နာမက္ခန္ဓာ လေးပါး။ (၂) အချင်းချင်းမှ ထောက်အပ်သော ဥပါဒါရုပ်နှင့်တကွသော အလုံးစုံသော မဟာဘုတ် လေးပါး။ (၃) အချင်းချင်းမှ ထောက်အပ်သော ပဉ္စဝေါကာရပဋိသန္ဓေ နာမက္ခန္ဓာနှင့် ဟဒယဝတ္ထု။

+++

အချင်းချင်း ဖြစ်၍ ကျေးဇူးပြုတတ်သော တရား၊ သစ်သား ၃-ခုကို ထောင်၍ ထားရာ မလဲမပြိုအောင် အချင်းချင်း ကျေးဇူးပြုသကဲ့သို့ ရုပ်နာမ်အချင်းချင်း အပြန်အလှန် ကျေးဇူးပြုတတ်သောကြောင့် အညမညပစ္စည်း မည်၏။

ပစ္စည်းတရား = အချင်းချင်းအား တပ်သော အလုံးစုံသော စိတ် ၈၉၊ စေတသိက် ၅၂၊ ပဝတ္တိ ပဋိသန္ဓေ နာမက္ခန္ဓာ လေးပါး။ အချင်းချင်းအား တပ်သော မဟာဘုတ် လေးပါး။ အချင်းချင်းအား တပ်သော ပဉ္စဝေါကာရပဋိသန္ဓေ နာမက္ခန္ဓာနှင့် ဟဒယဝတ္ထု။

ပစ္စယုပ္ပန်တရား = အချင်းချင်းမှ ထောက်အပ်သော အလုံးစုံသော စိတ် ၈၉၊ စေတသိက် ၅၂၊ ပဝတ္တိ ပဋိသန္ဓေ နာမက္ခန္ဓာ လေးပါး။ အချင်းချင်းမှ ထောက်အပ်သော အလုံးစုံသော မဟာဘုတ် လေးပါး။ အချင်းချင်းမှ ထောက်အပ်သော ပဉ္စဝေါကာရ ပဋိသန္ဓေ နာမက္ခန္ဓာနှင့် ဟဒယဝတ္တု။

အတူတကွဖြစ်၍သာ ကျေးဇူးပြုလျှင် သဟဇာတ မည်၏။ အတူတကွလည်းဖြစ် အချင်းချင်း အပြန်အလှန်လည်း ဖြစ်၍ ကျေးဇူးပြုလျှင် အညမညပစ္စည်း မည်၏။
ဤကား သဟဇာတနှင့် အညမညပစ္စည်း ၂-ပါးတို့၏ အထူးတည်း။

+++

မှီရာဖြစ်၍ ကျေးဇူးပြုတတ်သော တရား၊ မြေကြီးသည် သစ်ပင်စသည်တို့၏ တည်ရာအဖြစ်ဖြင့် ကျေးဇူးပြုသကဲ့သို့လည်းကောင်း၊ ကားဘောင်ရှိ အဝတ်ပုဆိုးသည် ပန်းချီဆေး၏ မှီရာဖြစ်သကဲ့သို့လည်းကောင်း၊ ပစ္စယုပ္ပန်တရားတို့၏ မှီရာတည်ရာအဖြစ်ဖြင့် ကျေးဇူးပြုတတ်သောကြောင့် နိဿယပစ္စည်း မည်၏။

နိဿယပစ္စည်းသည် သဟဇာတနိဿယ၊ ပုရေဇာတနိဿယ ဟူ၍ ၂-ပါး အပြား ရှိ၏။
ထို ၂-ပါးတို့တွင် သဟဇာတနိဿယသည် သဟဇာတနှင့် တူ၏။
ပုရေဇာတနိဿယသည် ဝတ္ထုပုရေဇာတနိဿယ၊ ဝတ္ထာရမ္မဏပုရေဇာတနိဿယအားဖြင့် ၂-ပါး အပြား ရှိ၏။

ဝတ္ထုပုရေဇာတနိဿယ ပစ္စည်းတရား = ပဝတ္တိအခါ ဆဝတ္ထုရုပ်။ တနည်းကား မဇ္ဇျိမာယုကဖြစ်၍ အတီတဘဝင်နှင့် ဥပါဒ်ပြိုင်သော ပဉ္စဝတ္ထု။ ပဋိသန္ဓေအစရှိသော ရှေးရှေးသော စိတ်နှင့်အတူ ဥပါဒ်သော ဟဒယဝတ္ထု။ နိရောဓသမာပတ်မှ ထသောအခါ ရှေ့စိတ္တက္ခဏ တစ်ချက်ခန့် ကာလ၌ဖြစ်သော ဟဒယဝတ္ထု။ မရဏာသန္နအခါ စုတိစိတ်မှ ပြန်၍ရေသော် ၁၇-ချက်မြောက်သော စိတ်နှင့်အတူ ဥပါဒ်သော ဟဒယဝတ္ထု။

ဝတ္ထုပုရေဇာတနိဿယ ပစ္စယုပ္ပန်တရား = ပဉ္စဝေါကာရဘုံ၌ဖြစ်သောအခါ အရူပဝိပါက် ၄-ခု ကြဉ်သော သတ္တဝိညာဏဓာတ် ၈၅-ခု၊ စေတသိက် ၅၂။

ဝတ္ထာရမ္မဏပုရေဇာတနိဿယ ပစ္စည်းတရား = မရဏာသန္နအခါ စုတိစိတ်မှ ပြန်၍ ရေသော် ၁၇-ချက်မြောက်သော စိတ်နှင့်အတူ ဥပါဒ်သော ဟဒယဝတ္ထု။

ဝတ္ထာရမ္မဏပုရေဇာတနိဿယ ပစ္စယုပ္ပန်တရား = မရဏာသန္နအခါ မနောဒွါရာဝဇ္ဇန်း၊ ကာမဇော ၂၉၊ တဒါရုံ ၁၁၊ အဘိညာဉ် ဒွေး၊ ဣဿာ, မစ္ဆရိယ, ကုက္ကုစ္စ, ဝိရတီ, အပ္ပမညာ ကြဉ်သော စေတသိက် ၄၄။

+++

အားကြီးသော အကြောင်းဖြစ်၍ ကျေးဇူးပြုတတ်သော တရား၊ မိုးသည် သတ္တဝါဟူသမျှနှင့် ၎င်းကို မှီကာ ကြီးပွား ပေါက်ရောက်ကြသော သစ်ပင်တို့၏ အားကြီးသော မှီရာဖြစ်သလို သာမညမှီရာဖြစ်သော နိဿယထက် အားကြီးသော မှီရာအဖြစ်ဖြင့် ကျေးဇူးပြုတတ်သောကြောင့် ဥပနိဿယ မည်၏။

ဥပနိဿယပစ္စည်းသည် အာရမ္မဏူပနိဿယ၊ အနန္တရူပနိဿယ၊ ပကတူပနိဿယအားဖြင့် ၃-ပါး ရှိ၏။
ထိုတွင် အာရမ္မဏူပနိဿယသည် အာရမ္မဏာဓိပတိနှင့် တူ၏။
အနန္တရူပနိဿယသည် အနန္တရနှင့် တူ၏။

အာရုံ အနန္တရတို့နှင့် မရေရာသည်တိုင်အောင် ပင်ကိုယ်ပကတိ သဘောသက်သက်ဖြင့်ပင် အားကြီးလှသော မှီရာအကြောင်းဖြင့် ကျေးဇူးပြုတတ်သောကြောင့် ပကတူပနိဿယ မည်၏။

ပကတူပနိဿယ ပစ္စည်းတရား = ဗလဝဖြစ်သော ပစ္စုပ္ပန်, အတိတ်, အနာဂတ်ဖြစ်သော စိတ် ၈၉၊ စေတသိက် ၅၂၊ ရုပ် ၂၈၊ ပစ္စည်းထိုက်သော အချို့သော ပညတ်။

ပကတူပနိဿယ ပစ္စယုပ္ပန်တရား = ပစ္စုပ္ပန်ဖြစ်သော စိတ် ၈၉၊ စေတသိက် ၅၂။

+++

ရှေး၌ ဖြစ်၍ ကျေးဇူးပြုတတ်သော တရား၊ ကမ္ဘာဦးက ပေါ်ပေါက်ခဲ့သော နေလတို့သည် ယခုတိုင် ထင်ရှားရှိကာ ၎င်းတို့ နောက်မှ ဖြစ်ပေါ်သော သတ္တဝါတို့အား အအေးအပူ အလင်းရောင်ပေးကာ ကျေးဇူးပြုသလို ပစ္စယုပ္ပန်တရားမှ ရှေးဦးစွာ ဖြစ်နှင့်၍ တည်လင့်သည်အဖြစ်ဖြင့် ကျေးဇူးပြုတတ်သောကြောင့် ပုရေဇာတပစ္စည်း မည်၏။

ပုရေဇာတပစ္စည်းသည် အာရမ္မဏပုရေဇာတ၊ ဝတ္ထုပုရေဇာတ၊ ဝတ္ထာရမ္မဏပုရေဇာတ ဟု ၃-ပါး ရှိ၏။

အာရမ္မဏပုရေဇာတ ပစ္စည်းတရား = ပစ္စုပ္ပန် နိပ္ဖန္နရုပ် ၁၈။

အာရမ္မဏပုရေဇာတ ပစ္စယုပ္ပန်တရား = ပဉ္စဝေါကာရဘုံ၌ အာရမ္မဏပုရေဇာတပစ္စည်းကို ရခိုက်ရနေဖြစ်သော ကာမစိတ် ၅၄၊ အဘိညာဉ် ဒွေး၊ အပ္ပမညာကြဉ်သော စေတသိက် ၅၀။

ဝတ္ထုပုရေဇာတပစ္စည်းသည် ဝတ္ထုပုရေဇာတနိဿယနှင့် တူ၏။

ဝတ္ထာရမ္မဏပုရေဇာတပစ္စည်းသည် ဝတ္ထာရမ္မဏပုရေဇာတနိဿယနှင့် တူ၏။

+++

နောက်မှ ဖြစ်၍ ကျေးဇူးပြုတတ်သော တရား၊ ရှေးက ပေါက်နှင့်ကာ ကြီးပွားနေသော သစ်ပင်အား နောက်မှ သွန်းလောင်းအပ် ရွာအပ်သော မိုးရေသည် စည်ပင် ကြီးပွားစေခြင်းငှာ ကျေးဇူးပြုသကဲ့သို့ သတ္တဝါတို့၏ သန္တာန်မှာ နောက်နောက်၌ ဖြစ်သော စိတ်တို့သည် ရှေးရှေး၌ ဖြစ်၍ ဌီအနေအားဖြင့် ထင်ရှားရှိသာ ရုပ်တို့အား တည်ခိုင် သန်စွမ်းစေသောအားဖြင့် ကျေးဇူးပြုတတ်သော သဘောသည် ပစ္ဆာဇာတပစ္စည်း မည်၏။

ပစ္စည်းတရား = ပဉ္စဝေါကာရဘုံ၌ ဖြစ်သောအခါ အရူပဝိပါက် ၄-ခု ကြဉ်သော ပထမဘဝင် အစရှိသော နောက် နောက်သော စိတ် ၈၅ ခု၊ စေတသိက် ၅၂။

ပစ္စယုပ္ပန်တရား = ပဋိသန္ဓေအစရှိသော ရှေးရှေးသော စိတ်နှင့်အတူ ဥပါဒ်၍ ရုပ်၏ ဌီသို့ ရောက်သော ဧကဇကာယ၊ ဒွိဇကာယ၊ တိဇကာယ၊ စတုဇကာယ။

+++

အဖန်တလဲလဲ မှီဝဲထုံအပ်သည်ဖြစ်၍ ကျေးဇူးပြုတတ်သော တရား၊ ရှေးရှေး၌ ထုံအပ်သော နံ့သာသည် နောက်နောက်၌ ထုံအပ်သော နံ့သာအား အဆင်းအနံ့ကို လွန်စွာ ပွားစေခြင်းငှာ ကျေးဇူးပြုသကဲ့သို့လည်းကောင်း၊ ရှေးရှေး၌ သင်အံသော ကျမ်းဂန်သည် နောက်နောက်၌ သင်အံသော ကျမ်းဂန်အား သင်ကြားလေ့ကျက် ဆောင်ရွက်လွယ်ကူစေခြင်းငှာ ကျေးဇူးပြုသကဲ့သို့လည်းကောင်း၊ ရှေးရှေးဖြစ်သော ဇောတို့သည် အခြားမဲ့ဖြစ်သော နောက်နောက်ဇောတို့အား ကျေးဇူးပြုတတ်သောကြောင့် အာသေဝနပစ္စည်း မည်၏။

ပစ္စည်းတရား = ဇာတ်တူအဆုံးဇော ကြဉ်သော ရှေးရှေးသော လောကီဇော ၄၇၊ စေတသိက် ၅၂။

ပစ္စယုပ္ပန်တရား = ပထမဇော, ဖိုလ်ဇော ကြဉ်သော နောက်နောက်သော ဇော ၅၁-ပါး၊ စေတသိက် ၅၂-ပါး။

+++

မိမိကြောင့် ဖြစ်ကုန်သော ရုပ်နာမ်တရားတို့ကို ပြုပြင် စီရင်တတ်သော စေတနာသည် ကမ္မပစ္စည်း မည်၏။
သစ်ပင်၏ အမြစ်သည် သစ်ပင်နှင့်တကွဖြစ်၍ ထိုသစ်ပင်အား မြဲမြံခိုင်ခန့်စေခြင်းငှာ ကျေးဇူးပြုသကဲ့သို့ ထို့အတူ စေတနာသည် သဟဇာတ်ဖြစ်သော နာမ်ရုပ်တို့အား ကျေးဇူးပြု၏။ (ဤကား သဟဇာတကမ္မ အဖို့)။

သဟဇာတကမ္မ ပစ္စည်းတရား = စိတ် ၈၉ ၌ ရှိသော စေတနာ။

သဟဇာတကမ္မ ပစ္စယုပ္ပန်တရား = စိတ် ၈၉၊ စေတနာကြဉ်သော စေတသိက် ၅၁၊ စိတ္တဇရုပ်၊ ပဋိသန္ဓေ ကမ္မဇရုပ်။

ကောင်းစွာ လှန်း၍ ကောင်းစွာ စီရင်အပ်သော မျိုးစေ့သည် အညွန့်ကို ဖြစ်စေခြင်းငှာ အမူအရာ လုံ့လ၏အဖြစ်ဖြင့် ကျေးဇူးပြုသကဲ့သို့ ထို့အတူ အတိတ်ဖြစ်သော ကုသိုလ်,အကုသိုလ်စေတနာသည် ဝိပါက်နာမက္ခန္ဓာ ကဋတ္တာရုပ်တို့အား အမူအရာ လုံ့လ၏အဖြစ်ဖြင့် ကျေးဇူးပြု၏။ (ဤကား နာနာက္ခဏိကကမ္မ အဖို့)။

နာနာက္ခဏိကကမ္မ ပစ္စည်းတရား = အတိတ်ဖြစ်သော ကုသိုလ်, အကုသိုလ် စေတနာ ၃၃-ခု။

နာနာက္ခဏိကကမ္မ ပစ္စယုပ္ပန်တရား = ဝိပါက်စိတ် ၃၆-ပါး၊ စေတသိက် ၃၈-ပါး၊ ပဋိသန္ဓေကမ္မဇရုပ်၊ အသညသတ် ကမ္မဇရုပ်၊ ပဝတ္တိ ကမ္မဇရုပ်။

+++

အကျိုးဖြစ်၍ ကျေးဇူးပြုတတ်သော တရား၊ မှည့်ရင့်မှုသို့ ရောက်သော သစ်သီးသစ်ပွင့်တို့သည် အရှိန်အစွမ်း ကုန်ခန်းကာ ဗျာပါရ လုံးဝမရှိတော့ဘဲ သိမ်မွေ့နုံ့နှေးသော သဘောသို့ ရောက်ကြသလို နာနာက္ခဏိကကမ္မပစ္စည်းမှ ရင့်ကျက်မှုသဘော ဖြစ်ကုန်သော ဝိပါက်တို့သည် မိမိကိုယ်တိုင်က ကံမျိုးဖြစ်ခြင်းကြောင့် ဗျာပါရလုံးဝမရှိ ငြိမ်းအေးကာ တကွဖြစ်ဘက် တရားတို့ကိုလည်း အရှိန်အဟုန် ဗျာပါရကင်းလျက် ငြိမ်းအေးဖို့ရာ ကျေးဇူးပြုသောတရားသည် ဝိပါကပစ္စည်း မည်၏။

ပစ္စည်းတရား = အချင်းချင်းအားလည်းကောင်း၊ အချင်းချင်း နာမက္ခန္ဓာ စိတ္တဇရုပ်, ပဋိသန္ဓေ ကမ္မဇရုပ်အားလည်းကောင်း တပ်သော ဝိပါက် ၃၆၊ စေတသိက် ၃၈၊ ပဝတ္တိ ပဋိသန္ဓေ နာမက္ခန္ဓာ လေးပါး၊ ဟဒယဝတ္ထုအား တပ်သော ပဉ္စဝေါကာရ ပဋိသန္ဓေ နာမက္ခန္ဓာ။

ပစ္စယုပ္ပန်တရား = အချင်းချင်းမှ ထောက်အပ်သော ဝိပါက် ၃၆၊ စေတသိက် ၃၈၊ ပဝတ္တိ ပဋိသန္ဓေ နာမက္ခန္ဓာ လေးပါး၊ ဝိပါက် နာမက္ခန္ဓာမှ ထောက်အပ်သော စိတ္တဇရုပ်, ပဋိသန္ဓေ ကမ္မဇရုပ်၊ ပဉ္စဝေါကာရ ပဋိသန္ဓေ နာမက္ခန္ဓာမှ ထောက်အပ်သော ဟဒယဝတ္ထု။

+++

ထောက်ပံ့ခိုင်စေသည်ဖြစ်၍ ကျေးဇူးပြုတတ်သော တရား၊ ပစ္စယုပ္ပန်ဖြစ်ကုန်သော ရုပ်နာမ်တရားတို့အား ထောက်ပံ့ခိုင်စေတတ်သည်အဖြစ်ဖြင့် ကျေးဇူးပြုတတ်သောကြောင့် အာဟာရလေးပါးသည်။ အာဟာရပစ္စည်း မည်၏။

အာဟာရပစ္စည်းသည် ရုပ်အာဟာရ၊ နာမ်အာဟာရအားဖြင့် ၂-ပါး အပြား ရှိ၏။

ရုပ်အာဟာရ ပစ္စည်းတရား = စတုသမုဋ္ဌာနိက သြဇာ။

ရုပ်အာဟာရ ပစ္စယုပ္ပန်တရား = ကလာပ်တူသြဇာကြဉ်သော ကလာပ်တူကလာပ်ပြားဖြစ်သော စတုသမုဋ္ဌာနိကရုပ်။

နာမ်အာဟာရ ပစ္စည်းတရား = ဖဿ, စေတနာ, ဝိညာဏ်ဟု ဆိုအပ်သော နာမ်အာဟာရ တရားကိုယ် ၃-ပါး။

နာမ်အာဟာရ ပစ္စယုပ္ပန်တရား = စိတ် ၈၉၊ စေတသိက် ၅၂၊ စိတ္တဇရုပ်၊ ပဋိသန္ဓေကမ္မဇရုပ်။

+++

အစိုးရသည်ဖြစ်၍ ကျေးဇူးပြုတတ်သော တရား၊ တစ်ပြည်တည်း၌ အထူးထူးသော တာဝန်ကို ဆောင်ရွက်ကြသော မင်းတို့သည် တစ်ပါးသော မင်းတို့၏ ကြီးကဲသော သတ္တိကို မမြစ်မူ၍ အသီးအသီး မိမိတို့၏ အရာ၌သာ အစိုးရသည်၏အဖြစ်ဖြင့် ကျေးဇူးပြုသကဲ့သို့ နာမ်ဣနြေ္ဒတရားကိုယ် ရှစ်ပါး အစရှိသည်တို့သည်လည်း တစ်ပါးသည် တစ်ပါး၏ သတ္တိကို မမြစ်မူ၍ မိမိတို့၏ အရာ၌သာ အစိုးရသည်၏ အဖြစ်ဖြင့် ကျေးဇူးပြုသော တရား။

ဣန္ဒြိယပစ္စည်းသည် သဟဇာတိန္ဒြိယ၊ ပုရေဇာတိန္ဒြိယ၊ ရူပဇီဝိတိန္ဒြိယအားဖြင့် ၃-ပါး ရှိ၏။

သဟဇာတိန္ဒြိယ ပစ္စည်းတရား = ဇီဝိတ၊ စိတ်၊ ဝေဒနာ၊ သဒ္ဓါ၊ ဝီရိယ၊ သတိ၊ ဧကဂ္ဂတာ၊ ပညာဟု ဆိုအပ်သော နာမ်ဣနြေ္ဒတရားကိုယ် ၈-ပါး။

သဟဇာတိန္ဒြိယ ပစ္စယုပ္ပန်တရား = စိတ် ၈၉၊ စေတသိက် ၅၂၊ စိတ္တဇရုပ်၊ ပဋိသန္ဓေကမ္မဇရုပ်။

ပုရေဇာတိန္ဒြိယ ပစ္စည်းတရား = မဇ္ဇျိမာယုကဖြစ်၍ အတီတဘဝင်နှင့် ဥပါဒ်ပြိုင်သော စက္ခုဝတ္ထု၊ သောတဝတ္ထု၊ ဃာနဝတ္ထု၊ ဇိဝှါဝတ္ထု၊ ကာယဝတ္ထု။

ပုရေဇာတိန္ဒြိယ ပစ္စယုပ္ပန်တရား = ဒွေးပဉ္စဝိညာဏ် ၁၀၊ သဗ္ဗစိတ္တသာဓာရဏ စေတသိက် ၇။

ရူပဇီဝိတိန္ဒြိယ ပစ္စည်းတရား = ရုပ်ဇီဝိတိနြေ္ဒ။

ရူပဇီဝိတိန္ဒြိယ ပစ္စယုပ္ပန်တရား = ရုပ်ဇီဝိတိနြေ္ဒကြဉ်သော ကလာပ်တူကမ္မဇရုပ် ၉-ခု။

+++

ကပ်၍ ရှုတတ်သည်ဖြစ်၍ ကျေးဇူးပြုတတ်သော တရား၊ ကသိုဏ်းစသော အာရုံသို့ ကပ်၍ ကြံခြင်း၊ လက္ခဏာရေးသုံးပါးသို့ ကပ်၍ ကြံခြင်း အစွမ်းအားဖြင့် ကပ်၍ အာရုံကို ကြံတတ်ကုန်သောအားဖြင့် ဝိတက်အစရှိသည်တို့သည် ဈာနပစ္စည်း မည်၏။

ပစ္စည်းတရား = ဝိတက်၊ ဝိစာရ၊ ပီတိ၊ ဝေဒနာ၊ ဧကဂ္ဂတာဟု ဆိုအပ်သော ဈာန်တရားကိုယ် ငါးပါး။

ပစ္စယုပ္ပန်တရား = ဒွေးပဉ္စဝိညာဏ် ၁၀ ကြဉ်သော စိတ် ၇၉၊ စေတသိက် ၅၂၊ စိတ္တဇရုပ်၊ ပဋိသန္ဓေကမ္မဇရုပ်။

+++

သုဂတိဘုံ၊ ဒုဂ္ဂတိဘုံ၊ နိဗ္ဗာန်ဘုံသို့ ဆိုက်ရောက်စေနိုင်သော လမ်းခရီးသဘောသတ္တိအားဖြင့် ကျေးဇူးပြုတတ်ကုန်သော သမ္မာဒိဋ္ဌိစသော တရားတို့သည် မဂ္ဂပစ္စည်း မည်၏။

ပစ္စည်းတရား = ပညာ၊ ဝိတက်၊ ဝိရတီ(၃)၊ ဝိရိယ၊ သတိ၊ ဧကဂ္ဂတာ၊ ဒိဋ္ဌိဟု ဆိုအပ်သော မဂ္ဂင်တရားကိုယ် ၉-ပါး။

ပစ္စယုပ္ပန်တရား = သဟိတ်စိတ် ၇၁၊ စေတသိက် ၅၂၊ သဟိတ်စိတ္တဇရုပ်၊ သဟိတ်ပဋိသန္ဓေကမ္မဇရုပ်။

+++

နို့ရည်၊ တင်လဲ၊ ထောပတ်၊ ပျားသကာဟူသော စတုမဓူအရသာသည် အချင်းချင်း နှီးနှောသည်ဖြစ်၍ ကျေးဇူးပြုသကဲ့သို့ နာမ်ခန္ဓာလေးပါးသည်လည်း အချင်းချင်း မကွေမကွာ ယှဉ်သည်၏ အဖြစ်ဖြင့် ကျေးဇူးပြုတတ်သော တရား။

ပစ္စည်းတရား = အချင်းချင်းအား တပ်သော အလုံးစုံသော စိတ် ၈၉၊ စေတသိက် ၅၂၊ ပဝတ္တိပဋိသန္ဓေ နာမက္ခန္ဓာ လေးပါး။

ပစ္စယုပ္ပန်တရား = အချင်းချင်းမှ ထောက်အပ်သော အလုံးစုံသော စိတ် ၈၉၊ စေတသိက် ၅၂၊ ပဝတ္တိပဋိသန္ဓေ နာမက္ခန္ဓာ လေးပါး။

+++

အချို အချဉ် အစပ် အငန် အဖန် အခါး ဟူသော အရသာ ၆-ပါးသည် အချင်းချင်း မနှီးနှော မယှဉ်သောအားဖြင့် ကျေးဇူးပြုသကဲ့သို့ နာမ်နှင့်ရုပ်တို့၏ အချင်းချင်း မယှဉ်သည်၏အဖြစ်ဖြင့် ကျေးဇူးပြုသော တရား။

ဝိပ္ပယုတ္တပစ္စည်းသည် သဟဇာတဝိပ္ပယုတ်၊ ပုရေဇာတဝိပ္ပယုတ်၊ ပစ္ဆာဇာတဝိပ္ပယုတ်အားဖြင့် ၃-ပါး အပြား ရှိ၏။

သဟဇာတဝိပ္ပယုတ္တ ပစ္စည်းတရား = ပဉ္စဝေါကာရဘုံ၌ ဖြစ်သောအခါ အရူပဝိပါက် ၄-ခု၊ ဒွေးပဉ္စဝိညာဏ် ၁၀၊ ရဟန္တာတို့၏ စုတိစိတ်ကြဉ်သော စိတ် ၇၅၊ စေတသိက် ၅၂၊ ပဝတ္တိပဋိသန္ဓေ နာမက္ခန္ဓာ လေးပါး၊ အချင်းချင်းအား တပ်သော ပဉ္စဝေါကာရ ပဋိသန္ဓေ နာမက္ခန္ဓာနှင့် ဟဒယဝတ္ထု။

သဟဇာတဝိပ္ပယုတ္တ ပစ္စယုပ္ပန်တရား = နာမက္ခန္ဓာမှ ထောက်အပ်သော စိတ္တဇရုပ်, ပဋိသန္ဓေကမ္မဇရုပ်။ အချင်းချင်းမှ ထောက်အပ်သော ပဉ္စဝေါကာရ ပဋိသန္ဓေ နာမက္ခန္ဓာနှင့် ဟဒယဝတ္ထု။

ပုရေဇာတဝိပ္ပယုတ်သည် ဝတ္ထုပုရေဇာတနိဿယ နှစ်ပါးနှင့် တူ၏။

ပစ္ဆာဇာတဝိပ္ပယုတ်သည် ပစ္ဆာဇာတနှင့် တူ၏။

+++

ရှိသည်ဖြစ်၍ ကျေးဇူးပြုတတ်သော တရား၊ မြေကြီး ဟိမဝန္တာတောင်တို့သည် မိမိထင်ရှားရှိခိုက် မိမိအပေါ် ပေါက်ရောက်ကြသော ထိုထိုသစ်ပင် ဆေးပင်စသည်တို့အား သြဇာထက်မြက်အောင် စိမ်းရွှင်အောင် ထောက်ပံ့သလို မိမိထင်ရှားရှိခိုက် ထင်ရှားရှိနေသော တရားတို့အား ထောက်ပံ့မှုဖြင့် ကျေးဇူးပြုသော တရား။

အတ္ထိပစ္စည်းသည် (၁) သဟဇာတတ္ထိ၊ (၂) ပုရေဇာတတ္ထိ၊ (၃) ပစ္ဆာဇာတတ္ထိ၊ (၄) အာဟာရတ္ထိ၊ (၅) ဣန္ဒြိယတ္ထိအားဖြင့် ၅-ပါး အပြား ရှိ၏။

ထို ၅-ပါးတို့တွင် သဟဇာတတ္ထိသည် သဟဇာတ ၃-ပါးနှင့် တူ၏။
ပုရေဇာတတ္ထိသည် ပုရေဇာတ ၂-ပါးနှင့် တူ၏။
ပစ္ဆာဇာတတ္ထိသည် ပစ္ဆာဇာတနှင့် တူ၏။
အာဟာရတ္ထိသည် ရုပ်အာဟာရနှင့် တူ၏။
ဣန္ဒြိယတ္ထိသည် ရူပဇီဝိတိန္ဒြိယနှင့် တူ၏။

+++

မီးရောင်၏ ချုပ်ငြိမ်းမှုသည် အမှောင်ဖြစ်ရန် ကျေးဇူးပြုသကဲ့သို့လည်းကောင်း၊ ညဥ့်ကုန်မှုသည် နေထွက်ရန် ကျေးဇူးပြုသကဲ့သို့လည်းကောင်း မိမိတို့ချုပ်မှုဖြင့် နောက်စိတ်များ ဥပါဒ်ဖြစ်ပေါ်ရန် ထင်ရှားမရှိဘဲ ကျေးဇူးပြုသော တရား။

ပစ္စည်းတရား, ပစ္စယုပ္ပန်တရားတို့မှာ အနန္တရပစ္စည်းနှင့် အတူတူ ဖြစ်၏။

+++

နေဝင်ခြင်းသည် လထွက်ရန် ကျေးဇူးပြုသကဲ့သို့လည်းကောင်း၊ နေဝင်ခြင်းသည် အမှောင်ဖြစ်ရန် ကျေးဇူးပြုသကဲ့သို့လည်းကောင်း၊ မိမိတို့ ကင်းချုပ်မှုဖြင့် နောက်နောက်တရားဖြစ်ပေါ်ရန် ကင်း၍ ကျေးဇူးပြုသော တရား။

ပစ္စည်းတရား, ပစ္စယုပ္ပန်တရားတို့မှာ အနန္တရပစ္စည်းနှင့် အတူတူ ဖြစ်၏။

+++

မဟာသမုဒ္ဒရာသည် မိမိကို မှီ၍ နေကုန်သော ငါးလိပ်မကန်းစသည်တို့အား ပီတိသောမနဿကို ပွားစေခြင်းငှာ မကင်းသောအဖြစ်ဖြင့် ကျေးဇူးပြုသကဲ့သို့ မိမိမကင်းမချုပ်သေးဘဲ ပစ္စုပ္ပန်ရှိဆဲအနေအားဖြင့် ကျေးဇူးပြုသော တရား။

ပစ္စည်းတရား, ပစ္စယုပ္ပန်တရားတို့မှာ အတ္ထိပစ္စည်းနှင့် အတူတူ ဖြစ်၏။

+++

ဥပါဒ်,ဌီ,ဘင်ချုပ်ပြီး၍ ကင်းဆိတ်မှုသဘောသည် နတ္ထိသဘော။
ချုပ်ကာမျှဖြစ်သော သဘောသည် ဝိဂတသဘော။

+++

ပရမတ္ထသဘာဝ ခဏိကပစ္စုပ္ပန် မဖောက်မပြန် မိမိသဘော ထင်ရှားရှိနေသည်အဖြစ်ဖြင့် ကျေးဇူးပြုမှုသည် အတ္ထိသဘော။
ပရမတ္ထသဘောမကင်း ချုပ်ခြင်းသို့ မရောက်သေးသော သဘောဖြင့် ကျေးဇူးပြုမှုသည် အဝိဂတသဘော။

+++

အလေးအမြတ် ပြုအပ်သည်၏ အဖြစ်မျှဖြင့် ကျေးဇူးပြုခြင်းသည် အာရမ္မဏာဓိပတိပစ္စည်း မည်၏။
အလေးအမြတ် ပြုအပ်သည်၏ အဖြစ်တွင် လွန်ကဲ အားကြီးသော အကြောင်း၏ အဖြစ်ဖြင့် ကျေးဇူးပြုခြင်းသည် အာရမ္မဏူပနိဿယပစ္စည်း မည်၏။

+++

မိမိတို့၏ အခြားမဲ့၌ လျောက်ပတ်သော စိတ္တုပ္ပါဒ်ကို ဖြစ်စေခြင်းငှာ စွမ်းနိုင်သော သတ္တိရှိသော တရားသည် အနန္တရပစ္စည်း မည်၏။
အားကြီးသော အကြောင်း၏ အစွမ်းဖြင့် ကျေးဇူးပြုခြင်းငှာ စွမ်းနိုင်သော သတ္တိသည် အနန္တရူပနိဿယပစ္စည်း မည်၏။

+++

သာမညဖြစ်သော မှီရာအကြောင်းသည် နိဿယပစ္စည်း၊
ဝိသေသဖြစ်သော အားကြီးသော မှီရာဖြစ်သော အကြောင်းတရားသည် ဥပနိဿယပစ္စည်း မည်၏။

ဥပမာ-သလေးထမင်းဖြစ်ရန် အကြောင်းများတို့တွင် ထမင်းချက်သမား၊ ထမင်းအိုး၊ ထင်းမီးစသော အကြောင်းတို့သည် နိဿယပစ္စည်းမျှသာ ဖြစ်ကုန်၏။

သလေးမျိုးစေ့၊ သလေးစပါး၊ လယ်ခင်း၊ မိုးရေတို့သည်သာလျှင် ထမင်း၏ ဥပနိဿယပစ္စည်း ဖြစ်နိုင်ကြကုန်၏။
သလေးမျိုးစေ့ စသည်တို့ကြောင့်သာ ထမင်းချက်သမားနှင့် ထမင်းအိုးစသည်တို့သည် သလေးထမင်းဖြစ်အောင် အစွမ်းထုတ်နိုင်ကြကုန်၏။

+++

ပဋိသန္ဓေစိတ်၏ ဥပ္ပါဒက္ခဏ၌ဖြစ်သော ကမ္မဇရုပ်သည် ဧကဇကာယ မည်၏။
ပဋိသန္ဓေစိတ်၏ ဌီကာလ၌ဖြစ်သော ကမ္မဇ, ဥတုဇရုပ်သည် ဒွိဇကာယ မည်၏။
ပဋိသန္ဓေနောင် ပဌမဘဝင်စိတ်၏ ဥပ္ပါဒက္ခဏ၌ဖြစ်သော ကမ္မဇ, ဥတုဇ, စိတ္တဇရုပ်သည် တိဇကာယ မည်၏။
အာဟာရဇရုပ် ဖြစ်ပေါ်သောအခါ ကမ္မဇ, ဥတုဇ, စိတ္တဇ, အာဟာရဇရုပ်သည် စတုဇကာယ မည်၏။

+++++