“အရှင်ဒေဝဒတ်´´ နှင့် “ခန္ဓာကိုယ်၏အနှစ်သာရကို ထုတ်ယူခြင်း´´

နယူးယောက်မြို့ လောကချမ်းသာဘုရားကျောင်းတွင် လ၏ နောက်ဆုံးစနေနေ့၌ ပုံမှန် တစ်ရက်တရားစခန်း ကျင်းပ ပြုလုပ်ရန်ဖြစ်သော်လည်း ၂၀၁၂ ခု ဖေဖော်ဝါရီလ ၂၅ ရက်တွင် ကျောင်း၌ ဆွမ်းအလှူပွဲတစ်ခု ရှိနေ၍ တရားစခန်း မပြုလုပ်ဖြစ်ချေ။

ဆွမ်းအလှူပွဲအပြီး မွန်းလွဲပိုင်း အချိန်ရသဖြင့် ဆရာတော် အရှင်စက္ကိန္ဒက ဓမ္မပဒဂါထာ (၁၇)လာ အရှင်ဒေဝဒတ်ဝတ္ထုဇာတ်ကြောင်းကို သင်ကြား ပို့ချပေး၏။

အလိုလောဘကြီးကာ ကောက်ကျစ်သော ရွဲကုန်သည်ဖြစ်စဉ် ဘုရားလောင်း ရွဲကုန်သည်ကို ငြိုးခဲ့သော ဒေါသသည် ဘဝအဆက်ဆက် ရန်မီးပွားခဲ့ရာ အရှင်ဒေဝဒတ်ဘဝတွင် မဟာကရုဏာတော်ရှင် မြတ်စွာဘုရားရှင်အား သေကြောင်းကြံစည်မှု၊ သံဃာသင်းခွဲမှုတို့ကြောင့် မြေမျိုကာ အဝီစိသို့ လားခဲ့ရ၏။

ဓမ္မပဒသင်တန်းပြီးသော် ခရီးတထောက် ခေတ္တရောက်ရှိနေသော အရှင်ဇာဂရ (ကံထွန်းသစ်)က ခန္ဓာကိုယ်၏ အနှစ်သာရ ထုတ်ယူရန် တရားတော်ကို နာရီဝက်ခန့် ဓမ္မဒါနပြု ဟောကြားပေး၏။

Leave a Reply