၂၀၁၂ ခုနှစ် ဇူလိုင်လ ၈-ရက် တနင်္ဂနွေနေ့တွင် နယူးယောက်မြို့ လောကချမ်းသာဘုရားကျောင်း၌ မဇ္ဈိမဂုဏ်ရည်ဆရာတော်၏ အထူးဓမ္မသဘင်ကို ကျင်းပ ပြုလုပ်ရာ “ဧကူပေါသထိကာထေရီအပဒါန်”ကို အခြေခံ၍ “သူ့လို တွေးပါ”တရားတော်ကို ဓမ္မဒါနပြု ဟောကြားသွားခဲ့၏။

• ဒါနမပါ၊ ဖြစ်လေရာ၊ ဥစ္စာခြွေရံ ရှားပါးသည်။

• ဒါနပါမှ၊ ဖြစ်ရာဘဝ၊ ဥစ္စာခြွေရံ ပေါများမည်။

• သီလမပါ၊ ဖြစ်လေရာ၊ ရောဂါထူပြောသည်။

• သီလပါမှ၊ ဘေးမခ၊ အေးမြသက်ရှည်မည်။

• ဘာဝနာမပါ၊ သံသရာ၊ ရှည်ကြာလွန်းလှသည်။

• ဘာဝနာပါမှ၊ ဝဋ်ဒုက္ခ၊ မုချငြိမ်းလိမ့်မည်။

+++++

ဧကူပေါသထိကာထေရီအပဒါန်

၁။ ဗန္ဓုမတီမြို့၌ ဗန္ဓုမာမည်သော မင်းသည် ရှိ၏။ ထိုမင်းသည် လပြည့်နေ့၌ ဥပုသ်ကို ကျင့်သုံး၏။

၂။ ထိုအခါ ငါသည် ထိုမြို့၌ အိုးရွတ်ကျွန်မ ဖြစ်ခဲ့၏။ ထိုအခါ ငါသည် မင်းနှင့်တကွသော စစ်သည်တော်ကို မြင်သည်ရှိသော် ဤသို့ ကြံစည်ခဲ့၏။

၃။ မင်းသည်သော်လည်း မင်းအဖြစ်ကို စွန့်၍ ဥပုသ်ကို ကျင့်သုံး၏။ ထိုအမှုသည် စင်စစ် အကျိုးရှိသည် ဖြစ်ရာ၏။ လူအပေါင်းသည် လွန်စွာ ဝမ်းမြောက်လျက် ရှိပေ၏။ (ဟု ဤသို့ ကြံစည်ခဲ့၏)။

၎။ ငါသည် (ကြံစည်ပြီးလျှင်) ယုတ်နိမ့်သော အမျိုး၌ ဖြစ်ရခြင်းကိုလည်းကောင်း၊ ဆင်းရဲရခြင်းကိုလည်းကောင်း အသင့်အားဖြင့် ဆင်ခြင်၍ စိတ်ကို ရွှင်လန်းစေလျက် ဥပုသ်ကို ကျင့်သုံးခဲ့၏။

၅။ ငါသည် မြတ်စွာဘုရားသာသနာတော်၌ ဥပုသ်ကို ဆောက်တည်ပြီးလျှင် ကောင်းစွာ ပြုအပ်သော ထိုကံကြောင့် (ငါသည်) တာဝတိံသာဘုံသို့ ရောက်ခဲ့၏။

၆။ ထိုတာဝတိံသာဘုံ၌ ကောင်းစွာ ပြုအပ်သော ငါ၏ ဗိမာန်သည် အထက် တစ်ယူဇနာတိုင်အောင် မြင့်၏။ အထွတ်တပ်သော မြတ်သော ပြာသာဒ်ဆောင်နှင့် ပြည့်စုံ၏။ မြတ်သော နေရာတို့ဖြင့် တန်ဆာဆင်ထားအပ်၏။

၇။ တစ်သိန်းသော နတ်သမီးတို့သည် ငါ့ကို အခါခပ်သိမ်း ခစားကြကုန်၏။ ငါသည် အခြားသော နတ်တို့ကို လွန်၍ အခါခပ်သိမ်း အလွန် တင့်တယ်၏။

၈။ ခြောက်ကျိပ်လေးယောက်သော နတ်မင်းတို့၏ မိဖုရားအဖြစ်ကို ပြုခဲ့ရပေ၏။ ခြောက်ကျိပ်သုံးယောက်သော စကြဝတေးမင်းတို့၏ မိဖုရားအဖြစ်ကို ပြုခဲ့ရပေ၏။

၉။ ငါသည် ရွှေအဆင်းနှင့်တူသော အဆင်းရှိသူဖြစ်၍ ဘဝတို့၌ ကျင်လည်ရပေ၏။ အလုံးစုံသော ဘဝတို့၌ အမြတ်ဆုံးဖြစ်ရပေ၏။ ဤသို့ဖြစ်ရခြင်းသည် ဥပုသ်(ကျင့်သုံးခြင်း)၏ အကျိုးပေတည်း။

၁၀။ ဆင်ယာဉ် မြင်းယာဉ် ရထားယာဉ် ထမ်းစင် ဤအလုံးစုံကိုလည်း ရရှိပေ၏။ ဤသို့ ဖြစ်ရခြင်းသည် ဥပုသ်(ကျင့်သုံးခြင်း)၏ အကျိုးပေတည်း။

၁၁။ ငါသည် ရွှေဖြင့်ပြီးသော ငွေဖြင့်ပြီးသော ထိုမှတပါးလည်း ဖလ်ဖြင့်ပြီးသော ပတ္တမြား(ကျောက်နီ)ဖြင့် ပြီးသော အရာဝတ္ထုအားလုံးကိုလည်း ရရှိပေ၏။

၁၂။ ငါသည် ပိုးထည် ကမ္ဗလာထည်တို့ကိုလည်းကောင်း၊ ခေါမတိုင်းဖြစ် အထည်တို့ကိုလည်းကောင်း၊ ဝါချည်တို့ကိုလည်းကောင်း၊ အဖိုးများစွာထိုက်ကုန်သော အထည်(အဝတ်)တို့ကိုလည်းကောင်း ဤအထည်အားလုံးကိုလည်း ရရှိပေ၏။

၁၃။ ငါသည် ထမင်းကိုလည်းကောင်း၊ အဖျော်ကိုလည်းကောင်း၊ ခဲဖွယ်ကိုလည်းကောင်း၊ အဝတ် အိပ်ရာ နေရာတို့ကိုလည်းကောင်း ဤအားလုံးကိုလည်း ရရှိပေ၏။ ဤသို့ဖြစ်ရခြင်းသည် ဥပုသ်(ကျင့်သုံးခြင်း)၏ အကျိုးပေတည်း။

၁၄။ ကောင်းမြတ်သော နံ့သာကိုလည်းကောင်း၊ ပန်းကိုလည်းကောင်း၊ ကသယ်(နံ့သာ)မှုန့်ကိုလည်းကောင်း၊ နံ့သာပျောင်းကိုလည်းကောင်း ဤအားလုံးကိုလည်း ရရှိပေ၏။ ဤသို့ဖြစ်ရခြင်းသည် ဥပုသ်(ကျင့်သုံးခြင်း)၏ အကျိုးပေတည်း။

၁၅။ အထွတ်တပ်သော အိမ်ကိုလည်းကောင်း၊ ပြာသာဒ်ကိုလည်းကောင်း၊ မဏ္ဍပ်ကိုလည်းကောင်း၊ ပြာသာဒ်ဦးပြည်းကိုလည်းကောင်း၊ လိုဏ်ဂူ(ဥမင်)ကိုလည်းကောင်း ဤအားလုံးကိုလည်း ရရှိပေ၏။ ဤသို့ဖြစ်ရခြင်းသည် ဥပုသ်(ကျင့်သုံးခြင်း)၏ အကျိုးပေတည်း။

၁၆။ ငါသည် မွေးဖွားသည်မှ ခုနစ်နှစ်သာ ရှိသေးလျက် ရဟန်းဘောင်သို့ ဝင်ရောက်ခဲ့၏။ လခွဲမရောက်မီ အရဟတ္တဖိုလ်သို့ ရောက်ခဲ့၏။

၁၇။ ငါသည် ကိလေသာတို့ကို ရှို့မြှိုက် လောင်ကျွမ်းစေအပ်ကုန်ပြီ။ ဘဝအားလုံးတို့ကို ပယ်နုတ်အပ်ကုန်ပြီ။ အလုံးစုံသော အာသဝေါတို့ ကုန်ခန်းကုန်ပြီ။ ယခုအခါ ဘဝသစ်၌ တဖန်ဖြစ်ခြင်း မရှိတော့ပြီ။

၁၈။ ဤဘဒ္ဒကမ္ဘာမှ ကိုးဆယ့်တစ်ကမ္ဘာထက်၌ ဥပုသ်စောင့်မှုကို ပြုခဲ့ရသောအခါမှ စ၍ မကောင်းမှုပြုသူတို့လားရာ ‘ဒုဂ္ဂတိ’ဘဝကို မသိစဖူးပေ။ ဤသို့ဖြစ်ရခြင်းသည် ဥပုသ်(ကျင့်သုံးခြင်း)၏ အကျိုးပေတည်း။

၁၉။ ငါသည် ကိလေသာတို့ကို ရှို့မြှိုက် လောင်ကျွမ်းစေအပ်ကုန်ပြီ။ ဘဝအားလုံးတို့ကို ပယ်နုတ်အပ်ကုန်ပြီ။ ဆင်မသည် အနှောင်အဖွဲ့ကို ဖြတ်၍ နေသကဲ့သို့ ငါသည် အာသဝ မရှိဘဲ နေရ၏။

၂၀။ ငါ၏ လာခြင်းကား ကောင်းသောလာခြင်း စင်စစ် ဖြစ်ပေ၏။ ငါသည် မြတ်စွာဘုရား၏ အထံ၌ ဝိဇ္ဇာသုံးပါးတို့ကို ရအပ်ကုန်ပြီ။ မြတ်စွာဘုရား၏ အဆုံးအမတော်ကို လိုက်နာ ပြုကျင့်အပ်ပါပြီ။

၂၁။ လေးပါးသော ပဋိမ္ဘိဒါတို့ကိုလည်းကောင်း၊ ရှစ်ပါးသော ဤဝိမောက္ခတို့ကိုလည်းကောင်း၊ ခြောက်ပါးသော အဘိညာဉ်တို့ကိုလည်းကောင်း မျက်မှောက်ပြုအပ်ပါကုန်ပြီ။ မြတ်စွာဘုရား၏ အဆုံးအမတော်ကို လိုက်နာ ကျင့်သုံးပြီးပါပြီ။

ဤသို့လျှင် ဧကူပေါသထိကာ ရဟန်းမသည် ဤဂါထာတို့ကို မိန့်ဆိုခဲ့၏။

+++++
(ထေရာပဒါန်ပါဠိတော်မြန်မာပြန် – ဒုတိယတွဲ၊ ထေရီအပဒါန်ပါဠိတော်မြန်မာပြန်၊ ၂-ဧကူပေါသထိကဝဂ်၊ ၁-ဧကူပေါသထိကာထေရီအပဒါန်)