ပူတိဂတ္တတိဿထေရ်နှင့် အရှင်သီဝလိထေရ်
၂၀၁၂ ခုနှစ် ဒီဇင်ဘာလ ၂၂-ရက် စနေနေ့တွင် နယူးယောက်မြို့ လောကချမ်းသာဘုရားကျောင်း၌ ပုံမှန် ဓမ္မသင်တန်းများကို ကျင်းပ ပြုလုပ်ရာ မွန်းလွဲ ၂ နာရီမှ ၃ နာရီ တရားရှုမှတ်စဉ် လောကချမ်းသာဆရာတော်က ဝိပဿနာဆိုင်ရာတရားတော်ကို ဟောကြား ချီးမြှင့်၏။
+++++
မွန်းလွဲ ၃း၁၅ နာရီတွင် ဆရာတော် အရှင်ဥဂ္ဂပဏ္ဍိတက ဓမ္မပဒ၊ စိတ္တဝဂ်၊ ဂါထာ ၄၁-ပူတိဂတ္တတိဿမထေရ်အကြောင်း သင်ကြား ပို့ချပေး၏။
ဓမ္မပဒသင်တန်းအပြီးတွင် ဆရာတော် အရှင်ဥဂ္ဂပဏ္ဍိတနှင့် ဆရာတော် အရှင်ဉာဏိဿရ(မော်လူး)တို့မှာ ဘော်စတွန်မြို့ မဟာသတိပဋ္ဌာန်ရိပ်သာကျောင်းသို့ ကြွရောက်ကြရမည်ဖြစ်သောကြောင့် အဘိဓမ္မာသင်တန်းနှင့် ဆည်းဆာတရားပွဲတို့ကို မပြုလုပ်ဖြစ်တော့ပေ။
အားလပ်သွားသောအချိန်တွင် လောကချမ်းသာဆရာတော်က အရှင်သီဝလိမထေရ်အကြောင်း မှတ်သားဖွယ်များကို ပြောကြားပြီး၊ ညနေ ၅ နာရီမှ ၆ နာရီထိ တရားရှုမှတ်ကြ၏။
ပြီးသော် ကောင်းမှုကုသိုလ်တို့ကို အမျှပေးဝေကြလေသည်။
သာဓု … သာဓု … သာဓု။
+++++
