၂၀၁၄-ခုနှစ် ဇူလိုင်လ ၁၉-ရက် စနေနေ့တွင် နယူးယောက်မြို့ လောကချမ်းသာဘုရားကျောင်း၌ ဓမ္မသင်တန်းများကို ပြုလုပ်ရာ မွန်းလွဲ ၂ နာရီမှ ၃ နာရီထိ တရားရှုမှတ်စဉ် လောကချမ်းသာဆရာတော်ကြီးက တရားချီးမြှင့်၏။

တတိယအကြိမ် အဘိဓမ္မာသင်တန်းကို စတင် သင်ကြား ပို့ချရာ ကျေးဇူးရှင် လယ်တီဆရာတော်ဘုရားကြီး၏ ပရမတ္ထသံခိပ်ကျမ်း သံပေါက်လင်္ကာများနှင့် အဖြေကျမ်းတို့ကို အခြေခံ၍ ဆရာတော် အရှင်ပညာဇောတက သင်ကြား ပို့ချပေး၏။

ဓမ္မပဒသင်တန်းတွင် ပဏ္ဍိတ၀ဂ်၊ ဂါထာ ၈၀-ပဏ္ဍိတသာမဏေ၀တ္ထုကို အရှင်ဥဂ္ဂပဏ္ဍိတက ပို့ချပေး၏။

ညနေ လောကချမ်းသာ ဆည်းဆာတရားပွဲတွင် မဟာမြိုင်ဆရာတော်က `ချစ်နည်းပညာ ချစ်ဆုံးမှာ´တရားတော်ဖြင့် ဓမ္မဒါန ပြု၏။